闲游鼓浪屿

游多多
2009.6.27出发去厦门咯,四月份开始PLAN去鼓浪屿噶喇,期待咗咁耐,呢日终于来临喇,我订嘅系下午一点钟嘅飞机,所以唔使咁早起身。不过可能太兴奋喇,一早就醒咗喇,跟住九点半整理好晒d行李之后,十点过d就出门口去机场。台风嘅威力已经减弱咗,仲有d阳光添啊
好彩嗟~~我地打的去火车站嗰个南航售票处度搭机场巴士。一去到就有车,即刻上车买票,点知老公突然话好似无带身份证,但系车已经开紧喇,点算?!
好快就到机场喇,俾我想象中快好多啊,完全唔塞车,连缓慢都无啊,交通状况非常好啊。
到达机场喇,咁耐无嚟机场当然要影翻张喇
我地都好耐无搭飞机喇,之后就去咨询台问要去边度办登记手续,然后遇到个好心嘅工作人员指示我地去呢个自助办理登机牌机器度办,然后再去办托运。真系大乡里啊~~更加大乡里嘅系,人地机器度有个地方,只要你摆身份证上去就自动出身份证NO.噶喇,我地仲傻傻下咁样去禁NO.喔,唉
呢台就系只需要一分钟就办妥登机牌嘅自助机,以后都唔使咁早去机场喇
之后我地就狂影相咁样等上机,上机都颇为崎岖,先系搭巴士出去,然后仲要上楼梯,跟着仲要行长长嘅通道
虽然地面睇上去天气唔好,仲等咗好耐先起飞添,不过上到天睇就完全唔同
飞机一个钟头就到厦门高崎机场喇,机场明显比广州嘅细
之后我地就行出去机场打的,上车之后问司机几耐先去到轮渡码头,距话二十分钟左右喔,厦门真系比GZ细好多啊,二十分钟就可以到?!话咁快我地就到咗轮渡码头喇,打的只需要34蚊。上船去鼓浪屿唔使钱,回程先俾钱嘅-8蚊。
轮渡码头(上二楼观光要加多一蚊噶,即刻俾钱)
大概七分钟就到鼓浪屿,正啊
去到轮渡码头之后,我就按照事先查好嘅资料指示,好快就搵到我订好嘅NAYA家庭旅馆喇
我地住嘅系森林房,一睇到就觉得舒服,就好似网上睇到嘅图片一样咁靓
超级大嘅冲凉房,好正嘅花洒啊
之后我地就展开咗寻觅小吃之旅
1.原巷口鱼丸鲨鱼丸好正好弹牙
2.叶氏麻糍样唔好,不过绝对好吃噶
3.鼓浪屿黄金香肉松
老板超级搞笑,名言:吃过再吃,吃完继续吃,干嘛不吃,吃饱了再走,呢间咁细嘅店仲可以刷卡噶
4.沙茶面传说中最传统嘅
好正配料中嘅豆腐干最入味啊
5.土笋冻好爽口味道唔错
夜晚喇,因为攰,所以唔想行出去搵嘢吃,于是决定系NAYA吃,好好享受下夜晚宁静、休闲嘅环境,真系好正
不过建议唔好系呢d咖啡馆吃饭,因为比较贵,而且味道ok咋,饮嘢都算贵,不过有咁正嘅环境我都觉得饮下嘢叹下都几好嘅。吃饭都系吃海鲜好d
吃完之后就出去漫步,享受下海风,睇下夜景
郑成功像
上到去夜景更靓
第二日,我地训醒就出去正式去旅游点
好靓嘅街中一角
早上嘅海边
码头对住嘅公园仔
我地丰富嘅早餐
跟住我地就去游览景点,我选择咗两个景点
1.菽庄花园
去菽庄花园嘅途中经过嘅马约翰广场,小小嘅广场竟然全部都系白兰花树啊,好靓啊
终于行到菽庄花园喇,不过呢个唔系距正面喔,系以前嘅人用嘅大门。
一入到大门就见到咁靓嘅景色喇,呢度只不过系前院咋,就已经咁靓喇
呢度系四十四桥,劲大风,好凉爽噶d海风
好靓嘅天空啊,终于见到长长嘅海滩喇
我地就系要行上去嗰度睇钢琴博物馆喇,可惜唔俾影相,入面嘅钢琴真系好多款噶,好靓。
几靓阳光与海滩啊,我挚爱
2.日光岩
之后我地就一路行过去,经过好长一段山路之后,终于可以搭缆车过去日光岩喇
终于上到全岛嘅最高峰,成个鼓浪屿都系眼底啊,超正,d风更加大更加凉爽啊
一路落翻嚟嘅时候经过一个洞,入面真系好凉噶,天然嘅避暑洞啊
落到下面就见到日光岩寺
出咗呢个门口就结束今日嘅观光行程喇,超级攰啊,行咗好多山路,不过绝对值得,翻旅馆冲凉先,嘻嘻。
训醒都天黑咯,晒咗一日当然要吃嘢清热消暑先啦
呢个烧仙草最啱喇,嘻嘻
左手边嘅系加咗蜜糖嘅,右手边嘅系加咗奶茶,一样好味。下面黑色物体就系烧仙草喇
之后梗系要去搵吃啦,当然要吃餐海鲜餐啦,YEAH~~~~
厦门嘅通菜超级爽口,唔知系咪因为近海呢,连菜都都有咸味噶,海鲜就当然唔使讲啦,白灼虾唔使点酱油都够晒味
圣子d肉涨卜卜噶,超有口感啊
青口d肉好大,口感同样一流啊
吃完饭之后行街见到呢间靓靓铺头,就入去shopping,d嘢当然就系老公摞啦,(*^__^*)嘻嘻
呢晚系鼓浪屿最后一晚,我好中意岛入面呢种咁休闲,可以忘记时间嘅生活。系GZ呢个大都市,咩嘢都要快,好多时候系条街度根本就无时间欣赏身边嘅事物,我一直期待嘅生活终于可以系鼓浪屿呢度体验到,哪怕只不过系短短嘅两晚,但系已经心满意足。岛上面虽然无GZ咁交通方便,不过其实岛唔算大,所以无需要车,连单车都无噶,靠行路咯,不过可以咁样慢慢咁样一路行一路欣赏下周围景色都系一种幸福。虽然岛上面都有好多游客,但系唔知点解你永远都唔会觉得吵,你系嗰度无时无刻有可以搵到真正属于你嘅时间、空间,任何人都唔可以进入、任何人都唔会骚扰,好好嘅感觉。鼓浪屿我爱上你喇,你知唔知最后一晚我训得唔好啊?!连入睡之前都系一种依依不舍嘅感觉,真系好唔舍得。我享受你嗰份宁静、享受你夜晚嘅风景。真系爱上你喇,点解你夜晚可以变得咁安静,周围只有一点点灯光,但系唔会觉得恐怖,只有休闲、舒服而言。点解你周围的声音听起来可以咁舒服,唔通呢种就系传说中嘅海浪拍打发出嘅轻声?!享受系鼓浪屿嘅每一刻,最后我同老公就系NAYA度叹住coffee,写低我地此时此刻嘅心情,希望日后再嚟鼓浪屿嘅时候可以再次寻找到你。
呢幅墙记录咗好多人嚟过鼓浪屿嘅感受,好珍贵。听讲个老板准备摞呢d留言嚟出书啊。如果真系有我绝对要买翻本啊
我地嘅留言啊,老公专登贴得高d,费事俾人唔小心俾人整跌
第三日早上去咗睇天主堂,好靓。
之后我地中午checkout之后就出去市区,出咗市区之后感觉完全唔同,好无聊,就系得厦门大学、南普陀寺同埋环岛路有得行下,之后我地就好无聊咁样搵地方坐消磨时间,之后就入机场等到夜晚上飞机,夜晚搭飞机嘅时候见到鼓浪屿嘅全岛夜景,超级正啊,可惜有多嘢都只可以记低系个脑度,影唔到相啊。我就咁系飞机度再次依依不舍咁样同鼓浪屿讲再见,我地一定会再见噶。
南普陀寺景色
厦门大学嗰种feel同中大好似
白城海滩
中山路步行街星期一,条街完全无人,而且根本无嘢行
好喇,呢篇游记终于大功告成喇,真系花咗唔少心思写噶,睇完唔该留言一下啦,(*^__^*)嘻嘻
本文由飞猪签约达人 游多多 提供,未经授权,不得转载!
热门推荐
  • 世界邦
  • 江苏五方国际旅行社
相关游记
  • 厦门鼓浪屿景区官方旗舰店
热门以及周边目的地