广州,一座正在消失的城

羊城攻略
快速花费生命好似系城市人嘅习惯
每日每夜唯有灌鸡汤先可以平复自己受挫严重的身心
当有一日我冧起旧时
旧时校门叫极都唔会声沙个牛杂姨
想再去食翻碗牛杂时先发现,原来学校同距,都唔系度了
广州,哩座育我地嘅城市到底有几多野消亡紧
消失的身份证号开头
440102
依家东山区早已不在,剩低合拼后嘅新越秀
440107
吞并左一边荔湾嘅新芳村区,属于荔湾的荣耀再也不能诉说
440116
同黄埔区合并全新的萝岗区
消失的中小学
49中与江南中学
如今两间学校合拼成为《广州市江南外国语学校》
第五十二中学
同绿翠中学合并成为《广州市绿翠现代实验学校》
南石中学
拼入41中,成为其南校区
仲有好多好多已经不复存在嘅学校
边个会冧到,中考一别竟是永远
消失的路名
广州变化真系好大
甚至有D路名,以前都唔系甘叫
永汉路变成北京路
东风路旧称德宣路
起义路原本个名叫维新路
太平路、丰宁路、长庚路、虎长路
全部合拼成人民路
广州文化博大精深,有时你真系会俾D路名笑死,例如天河客运站有个“咸鱼里”、白云槎潭路有个“大基八巷”、仲有个上左无数次电视嘅“瘦狗岭”......
消失的天桥
八爪鱼天桥
位于文明路同文德路交界,
拆于2011年6月,享年28岁,距成就左一代人兴衰
消失的夜市
西湖路灯光夜市
用汹涌澎湃黎形容当时嘅西湖一D都唔过分,但一切都系曾经
市桥夜市
极其惋惜,曾笑说以后再也不怕肚饿的你去边了
消失的地标
革新路
我记得读书时一到开学,除左购书中心哩度就系我洗钱最多嘅地方了,
吵到啊妈想卖仔嘅记忆,好似从未存在过
只要黎过革新路,哩间牛杂绝对无人不晓
状元坊
原本哩度叫“状元坊”,系当时状元故居,但后黎俾伟大嘅广州人发掘,
成为“撞仔”“撞衫坊”同埋“撞完慌”,但系宜家哩度已经....
东川名店运动城
如果你话边度买鞋又唔会俾人水,我霖,冚世界都会冧到哩度
大笪地
走鬼走到有牌有照,大笪地话自己第一冇人讲第二
将军东
旧时啊爷成日话里面有懵炳,等距放古董我即收,到时我地就富可敌国了哈哈哈哈,
细个时点知距系吹水啊,信左好多年啊真系
消失的茶楼
大同酒店
“大同脆皮鸡”、“大同蛋挞”已经成为老广绝味,真系记忆中找你了今次
成珠楼
经营250几年嘅茶楼如今只能靠卖鸡仔饼维生,
非常可惜哩D被时代潮流冲刷嘅旧店,
如果可以,真想翻到以前同距讲:转型啊!
消失的乐园
东方乐园
曾经哥哥(张国荣)和靓靓(袁咏仪)在这里拍《满汉全席》时我只有8岁,一夜倒闭的东方乐园真的措不及防。
航天奇观
广州航天奇观是由当地农民自行集资兴建的,那时堪星象馆的记忆至今我都磨灭不去
世界大观
从03年开始就开始纠纷不断,流拍两次,入园抢电箱,7名保安受伤等等,最终这里还是没办法保留下来
消失的手艺
手工鸡公榄
我住骑楼时最开心就系听到楼下嘀嗒佬卖鸡公榄,
你只要企定定系个阳台,距就可以从唔失手甘抛入你屋企
老式手工理发
当时“5蚊一个头”都觉得贵,但俾再宜家?笑到成只peng甘了
补 锅
以前烂锅唔系买新咖,搵距地补补又可以用多几年
修 伞
完全消失天际嘅一门手艺,你话郁唔郁就买新野嘅我地,点俾距地生存?
挽 面
哩个唔算消失啦,但真系好少,你去到上下九依然可以搵到,
感受下啦又机会,通常15蚊次,都几爽咖查实
消失的味道
叮叮糖(啄啄糖)
点解要叫“叮叮糖”咧,其实系因为以前卖哩仲糖时会有人摞两个锤系甘敲,发出“叮叮,叮叮”声黎吸引小朋友买,你知唔知其实距系咩糖?
云吞皮糖水
哩个犀利了,95后可以话基本唔知,宜家想搵翻都难了
麦芽糖
以前最中意偷黎食了,一俾啊妈发现就会俾距插到肺穿
八宝鸭
如今得翻芳村奇香楼有师傅做,想食仲要提前订,俾再以前?周街都系啦
黄糖钵仔糕
以前人地用黄糖整,边似宜家全部香精
宜家嘅广州你出度街就好似环游世界,葡国意大利西班牙西伯利亚餐多度你唔信,想搵D本地野食下真系难过生仔,如果有外地朋友黎叫我带距体验食在广州,除左福建人我真系冧唔到介绍咩俾距了....
消失的声音
何家公鸡何家猜,何家小鸡何家猜。
何家公鸡何家猜,何家母鸡咯咯咯。
以前D小朋友个个都识唱童谣,句句标准唔带懒音
而宜家D小朋友了窝......
少两句草泥马我就心满意足了
消失的语言
煲冬瓜推广得爆天炸地
00后本地小朋友俾国语教育渗入骨髓
好多都已经唔识讲粤语了
真系希望我地嘅文化唔好就甘没落了
如果你未离开过广州,我建议你出去走走
生活过一段时间后你就知,
咩叫乡情,咩叫广州我最威
当我遇挫受败时,当我低谷起跌时
我会都冧起自己系广州人
广州人系唔可以输咖!!!
本文由飞猪签约达人 羊城攻略 提供,未经授权,不得转载!
热门推荐
  • 荷兰旅游会议促进局北京代表处
相关游记
  • 亚亚头爱旅游
热门以及周边目的地